د ایران د پارلمان رئیس محمد باقر قالیباف د امریکا د ولسمشر، ډونالډ ټرمپ وروستیو څرګندونو ته په اشارې ویلي، چې هېواد یې د فشار او ګواښونو تر سیوري لاندې مذاکراتو ته چمتو نه دی.
نوموړي زیاته کړې، چې ټرمپ هڅه کوي د خبرو اترو مېز د تسلیمېدو پر مېز بدل کړي او غواړي د کلابندۍ او بندیزونو له لارې خپلې کړنې توجیه کړي.
قالیباف همداراز ویلي، چې ایران په تېرو دوو اونیو کې د جګړې ډګر ته د نويو انتخابونو د وړاندې کولو لپاره لازم چمتووالی نیولی دی.
