تسنیم خبري اژانس خبر ورکړی چې د ایران په شمال کې د داعش درې غړي نیول شوي او د هغو تروریستي عملیاتو ګواښ چې دوی یې د ترسره کولو پلان درلود، هم له منځه وړل شوی دی.
د داعش درې غړي د ایران په شمال کې د «مازندران» ولایت په «نوشهر» ولسوالۍ کې نیول شوي دي.
د نوشهر د پولیسو مشر تسنیم خبري اژانس ته ویلي چې، دې ډلې پلان درلود چې د نوشهر بندري ښار په یوه بوخت سیاحتي کمپلکس کې ترهګریز عملیات ترسره کړي.
د يادونې ده، چې په تېرو درېيو کلونو کې د سيمې په هېوادونو په ځانګړې توګه په پاکستان او ايران کې د داعش د خراسان څانګې د فعاليتونو کچه لوړه شوې ده.