د خوړو نړۍوال پروګرام یا WFP پر خپلې اېکس پاڼې په یوه خپره کړې ویډیو کې ویلي، چې هره ورځ په افغانستان کې له ۷ سوه زرو څخه زیاتو د ښوونځیو زده کوونکو انجنو او هلکانو باندې د خوراکي توکو مرسته ویشي.
د خوړو نړۍوال پروګرام ویلي، چې دا خوراکي توکي د ښوونځي هلکانو او نجونو سره مرسته کوي، چې فعال پاتې شي او ښه زده کړه وکړي.
تر دې وړاندې د خوړو نړۍوال پروګرام په افغانستان کې څه باندې ۷ سوه زرو نجونو او هلکانو ته د مرستو د وېش اعلان کړی و او ویلي یې وو، چې هېڅ ماشوم باید له لوږې سره ښوونځي ته لاړ نه شي.
د دې ترڅنګ په افغانستان کې د خوړو د نړۍوال پروګرام د خوارځواکۍ د څانګې مشرې “منا شیخ” خبر ورکړی، چې یوازې سږ کال به په افغانستان کې پر خوارځواکۍ اخته ۱.۶ میلیونه ماشومانو درملنه وشي.