د پاکستاني رسنیو د راپورونو له مخې، هندوستان له هر ډول خبرداري پرته د جهلم سیند اوبه پر پاکستان ورخوشې کړي، چې له امله یې د دغه سیند په شاوخوا سیمو کې د سېلابونو د راوتلو وېره زیاته شوې.
راپورونه کاږي، چې جهلم سیند کې د اوبو له زیاتېدو وروسته د پاکستان تر کنټرول لاندې کشمېر او د مظفراباد سیمو اوسېدونکو ته خبرداری ورکړل شوی، چې له یاد سیند څخه لرې پاتې شي.
د معلوماتو له مخې، دا مهال په جهلم سیند کې اوبه په بېساري ډول زیاتې شوي او ممکن دا اوبه د لویو سیلابونو د راوتلو لامل شي.