د اطلاعاتو او کلتور وزارت وايي، د رسنیزو تخطیو د اروزنې کمېسیون په خپله اوونیزه ناسته کې د افغانستان انټرنېشنل راډیو تلوېزون خپرونې د هېواد له نافذه قوانینو سره په ټکر بللې دي.
له یاد وزارت څخه په خپره شوې خبرپاڼه کې ویل شوي، رسنیز اخلاق له مخاطبانو سره د ژورنالېسستانو او رسنوالو یوه گړنۍ یا شفاهي ژمنه ده، چې د اطلاعاتو د ورکړې او تر لاسي پر مهال په پام کې نیول کېږي، پر دې سربېره ځینې حقوقي مفاهیم هم شته چې د مقدساتو، ټولنیزو ارزښتونو، کلتوري معیارونو، ملي گټو او انساني غوښتنو له مخې ټاکل کېږي او پامنیوی یې د رسنیو او ژورنالېستانو لپاره اړین وي.:«د اطلاعاتو او کلتور وزارت د رسنیزو تخطیو د ارزونې کمېسیون د رسنیو مسلکي، حقوقي او اخلاقي موارد، رسنیز شکایتونه له نږدې او په خورا مسلکي ډول څاري او وخت پر وخت له رسنیو سره خپلې پرېکړي او سپارښتنې شریکوي. افغانستان انټرنیشنل راډیو او ټلوېزیون چې له هېواده بهر د هېواد د ننه لپاره خپرونې کوي، په لوی لاس ځینې مسلکي سرغړونې او له اخلاقي او حقوقي پولو تېری کوي، د رسنیزو تخطیو د ارزونې کمېسیون په نوموړي رسنۍ شوي شکایتونه یې خپله ناسته څېړلي دي.»
د خبرپاڼې له مخې، یادې رسنۍ د وگړو او حقوقي شخصیتونو د خصوصی حریم پامنیوی او ورته درناوی چې د اسلام مبارک دین او د افغانستان او نړۍ په حقوقي نظامونو کې ځانگړی ځای لري، د دې رسنۍ لهخوا پرې په وار وار تېری کېږي.: «شخصیت وژنه چې له مسلکي پلوه په بشپړ ډول رسنیز جرم دی د افغانستان انټرنېشنل د خپرونو ورځنۍ چاره ده. له مسلکي پلوه د خبرونو کرهوالی او سموالی یوه مهمه چاره ده، خو نوموړی راډیو، تلوېزیون دا مسلکي چاره د سرعت او شخصي تمایلاتو قرباني کوي.»
یاد کمېسیون په خپل لس مادییزه اعلامیه کې د یادې رسنۍ هغه موارد په ګوته کړي، چې د افغان انټرنېشنل له لوري بیا بیا تکرارېږي.: «تحریف یا په معلوماتو کې گوتوهنه چې یو مسلکي جرم دی، دا رسنۍ یې په خلاص مټ ت رسره کوي.
د رسنیو یوه ډېره مهمه دنده چې د ټولنیزې هوساینې، اخلاقي او رواني امنیت ساتنه ده، افغانستان انټرنېشنل یې لا زیانمنوي. د افغانستان انټرنېشنل خپرونې د ټولنې د یووالي او سالمیت پر ځای په هېواد کې بېلابېلو قومي، ژبنیو او سیمهییزو تعصبونو ته لمن وهي.»
همدا راز یاد کمېسیون ویلي، د افغانستان انټرنېشتل راډیو، تلوېزیون د خپرونو محتوا او د وړاندې کوونکو کړه وړه له افغاني ارزښتونو او دیني غوښتنو ښکاره سرغړاوی دی.
د اطلاعاتو د ترلاسي لپاره له سرچینو سره معامله او ان کله کله د معلوماتو او کلیپونو په بدل کې بډې ورکول یوه بشپړه اخلاقي او حقوقي تېروتنه ده، چې نوموړی تلوېزیون یې تر سره کوي.: «په خبرونو او خپرونو کې بې پرېتوب د ژورنالېزم له مهمو اصلونو څخه دی، چې نوموړی تلوېزیون ان د مېلمنو په غوراوي کې هم دا مسلکي چاره تر پښو لاندې کوي، په خپلو خپرونو کې داسې کسان مېلمانه کوي چې د خپلو عقدو او شخصي تمایلاتو له مخې د اورېدونکو عامه افکار زیانمنوي، تر ټولو بده دا چې په هېواد کې د حاکم نظام او ټیکاو پر خلاف د خپرونو له لارې باغیانو او د هېواد دُښمنانو تبر ته لاستی اچوي.»
په خبرپاڼه کې ویل شوي، ټول شنونکې، کارپوهان او خبریالان دې له دوی سره به بحثونو کې له گډون او هر ډول همکارۍ ډډه وکړي او همداراز په عامه ځایونو کې نوموړې رسنۍ ته د خپراوي د اسانتیاوو برابرول ممنوع دي.: «د افغانستان له مؤمن ولس څخه هیله ده چې د افغانستان انټرنېشنل راډیو تلوزېزون سره د خپل ایماني او ملي مسوولیت له مخې مقاطعه وکړي.»