د عامې روغتيا وزارت وايي، چې سږ کال د ژمي له پيل راهیسې روغتيايي مرکزونو ته نږدې ۸۹۴ تنه د ګاز نيونې له امله ور وړل شوي، چې ۲۴ کسانو يې خپل ژوند له لاسه ورکړی دی.
د عامې روغتیا وزارت د ویاند ډاکټر شرافت زمان په وینا، په قربانیانو کې ۱۵ نارینه او ۹ ښځې شاملې دي. نوموړي له خلکو غوښتي چې د ګازي بخاریو د کارولو پر مهال د خوندیتوب اصول مراعات کړي، تر څو د ورته پېښو مخنیوی وشي.
داپه داسې حال کې ده چې پرون په سمنګان ولايت کې هم د يوې کورنۍ اته غړي د زهرجن ګاز له امله مسموم شوي دي.