د سوریې دولتي خبري اژانس «سانا» راپور ورکړی، چې د دې هېواد د بهرنیو چارو وزیر اسعد حسن الشیباني او د استخباراتو سازمان رئیس حسین السلامه تېره شپه ناوخته د سعودي عربستان پلازمېنې ریاض ته رسېدلي.
د سرچينې په خبره، چې دغه سوریایي چارواکي به د سعودي عربستان له لوړ پوړو چارواکو سره پر بېلابېلو موضوعاتو او دوه اړخيزې همکارۍ خبرې اترې ولري.
ياده دې وي، چې د سوریې او سعودي عربستان ترمنځ اړيکې خورا رغېدلي او پرون ورځ سعودي په سوريه کې د ۵ ميليارده ډالرو پانګونې تړونونه هم لاسليک کړل.