د یمن د حوثیانو (انصار الله غورځنګ) د سیاسي دفتر غړي محمد الفرح سعودي عربستان ته د پاکستان پوځي رژیم د لومړي وزیر شهباز شریف پر وروستی سفر نیوکه کړې.
نوموړي په وینا، دا سفر د جګړې حل لپاره نه، بلکې د یوې داسې سیاسي اجنډا برخه ده چې هدف یې پر لبنان فشار راوړل دي.
د الفرح په خبره، سعودي ته د شهباز شریف د سفر بله موخه د ایران او امریکا ترمنځ د سولې هڅو سبوتاژ کول او د مقاومت (حماس، انصارالله، حزبالله…) کمزوري کول دي.
د حوثیانو د سیاسي شوری دې لوړپوړي غړي ټینګار کړی، چې په دې لوبه کې سعودي له شهباز شریف څخه د یوې وسیلې په توګه کار اخلي؛ تر څو د اسرائیل امنیت خوندي او حزب الله بې وسلې کړي.