د عربي هېوادونو اتحادیې مرستیال حسام زکي، خبر ورکړی چې په قاهره کې د فبرورۍ په ۲۷مه نېټه د غزې تړانګې په اړه ټاکل شوې عربي سرمشریزه، کېدای شي د لوجستیکي ستونزو له امله څو ورځې وځنډېږي.
زکي ټینګار کړی چې، د فلسطیني مصلحت لپاره اړینه ده چې حماس له اوسني وضعیت څخه ووځي او د غزې تړانګې د ادارې لپاره د مصر وړاندیزونه ومني. د نوموړي په وینا، د حماس له وتلو پرته، ممکن نورې حل لارې پلي شي، چې د ټولو لپاره د منلو وړ نه دي.
د نوموړي په وینا، عربي هېوادونه هڅه کوي چې په غزه کې داسې فلسطینۍ اداره رامنځته کړي چې د سیمې وضعیت عادي حالت ته راولي.
د یادونې وړ ده، چې د سرمشریزې د نوې نېټې په اړه لا تر اوسه رسمي اعلان نه دی شوی.