لبناني رسنیو راپور ورکړی، چې صهیونیستي رژیم نن سهار د دغه هېواد القلیلة ښارګوټي کې پر یوه امبولانس د ډرون برید کړی دی.
د راپور له مخې، دې برید کې لږ تر لږه څلورو تنو روغتیایي کارکوونکو خپل ژوند له لاسه ورکړی دی.
دا برید داسې مهال کېږي، چې تازه د ایران او امریکا ترمنځ د ۱۴ ورځني اوربند اعلان شوی دی.
د صهیونیستي رژیم لومړي وزیر بنیامین نتنیاهو ویلي، چې له اوربند سربېره به پر لبنان بریدونه دوام ولري.