Close Menu
    منځنی ختیځ

    د غزې د جګړې د ۶۰۰ ورځو بوږنونکي ارقام؛ له ۶۳ زرو ډېر عام فلسطينيان شهيدان شوي

    عمران آغاڅرگندونې نشته1 دقیقه لوستل

    د فلسطین قدس خبري شبکې غزه کې د تېرو ۶۰۰ ورځو جګړې ارقام رسنیز کړل، د يادې شبکې له لوري په تازه خپرو شویو ارقامو کې راغلي، چې د غزې شل میاشتنۍ جګړه کې ۶۳زره فلسطینیان شهیدان او ۱۲۳زره ۳۰۸ تنه نور ټپیان شوي دي.

    راپور کې راغلي، چې د شهیدانو له ډلې یې ۱۸زره ماشومان، ۱۲ زره ۴۰۰ ښځې، ۷۹۵۰ میندې، ۲۲۰ خبریالان، ۱۱۵مدني فعالان، ۱۵۸۰ طبي کارکوونکي، ۱۳زره زده کوونکي، ۸۰۰ ښوونکي او ۱۵۰ څېړونکي دي.

    دغه راز دې موده کې ۴۷۰۰ تنه معلول، ۹زره لادرکه، او ۶ زره ۶۶۳ تنه نور بندیان شوي دي.

    د خپرو شويو شمېرو له مخې ۲۵۰۰ کورنۍ په بشپړ ډول میراتې شوي، ۴۲ زره ماشومان یتیمان شوي، د خوارځواکۍ له امله ۳۰۰ ماشومان شهيدان او ۱۴ زره ۷۰۰ ښځې بيا کونډې شوې دي.

    د راپور له مخې روانې جګړې کې هېڅ لوری خوندی نه دی پاتې شوی، ۱۶۳ مؤسسې، ۸۲ روغتیایي مرکزونه او ۳۹ نور مرکزونه په بشپړ ډول ویجاړ شوي دي.

    مربوطه لیکنې

    ځواب پریږدئ