د لبنان حزب الله ویلي، چې د “میرون هوايي کنټرول” پر مرکز یې توغندیز برید کړیدی.
حزب الله ویلي، چې یاد توغندیز برید یې د فبرورۍ په ۲۷ مه (د کب ۸ مه) د لبنان په ختیځ کې د اسرائیلو د بریدونو په ځواب کې کړی دی.د فلسطین د حماس متحده ډله حزب الله د اکتوبر په میاشت کې د غزې د جګړې له پیل راهیسې د اسرائیلو د پوځ سره نږدې هره ورځ ډزې تبادله کېږي؛ خو تراوسه دغه بریدونه تر ډېره حده په سرحدي سیمو پورې محدود و.
حزب الله ویلي: ” د میرون هوايي کنټرول مرکز مو له څو خواوو څخه په توغندیو په نښه کړی او دا برید مو د لبنان په ختیځ کې د اسرائیلي پوځیانو د بریدونو په ځواب کې وکړ”بل لور ته رسنیو د اسرائیلو امنیتي سرچینو په حواله راپورونه خپاره کړي، چې اسرائیلي پوځیانو د “بعلبک” ښار ته څېرمه د حزب الله پر اهدافو بریدونه کړي، چې د یادې ډلې دوه تنه جنګیالي یې وژلي دي.
د اسرائیلو پوځ ویلي، چې د حزب الله د هوايي دفاع مرکزونه یې وروسته له هغه په نښه کړل، چې دغې ډلې د دوی یوه بې پیلوټه الوتکه ووېشتله.د اسرائیلي پوځیانو د یاد برید په ځواب کې هم حزب الله د دوشنبې په ورځ د ګوله په څوکو کې د اسرائیلي پوځیانو پر یوه مرکز ۶۰ توغندي توغولي وو.
د فرانس پرېس د راپور له مخې، د ۲۰۲۳ زیږدیز کال د اکتوبر راهیسې د پولې په اوږدو کې د دواړو خواوو ترمنځ په نښتو کې شاوخوا ۲۸۴ تنه د لبنان لوري ته وژل شوي، چې ډېری یې د حزب الله اړوند دي او ۴۴ یې د یاد هېواد ملکي وګړي ښودل شوي دي.بل لور ته د اسرائیلو پوځ هم د خپلو لس تنو پوځیانو او شپږ عام وګړو وژنه تائید کړې ده، خو حزب الله وایي، چې د دوی په بریدونو کې زیات شمېر اسرائیلي پوځیان وژل شوي دي.