د پکتیا ولایت رسنیو دفتر په یوه خبرپاڼه کې ویلي، چې د لوی اختر په درېیو ورځو کې څه باندې ۳۵۰زره تنو سیلانیانو د یاد ولایت ځاځي اریوب ولسوالۍ سپینې شګې تفریحي پارک څخه لیدنه کړې.
خبرپاڼه کې د یاد پارک د مسئولینو له قوله راغلي، چې په ياده تفريحي سيمه کې د سیلانیانو لپاره تر دوه زره خېمې، د ناستې لپاره غرفې، څلورويشت ساعته مخابراتي خدمات او برېښنا، د اوبو سېسټم، دوه لوی هوټلونه، ايسکريم خانې، کافي شاپونه او نورې بېلابېلې آسانتیاوې هم برابرې شوې دي.