شېر کړئ Facebook Twitter بریښنالیک Telegram WhatsApp د مقاومت جبهې د رهبرۍ تاریخي مخینې ته په کتو د شوروي یرغل له پیله آن تر ننه پورې یو شمېر پخواني سیاسي او نظامي مشران چې په تېر کې یې ځانونه د شورای نظار یا شمال ټلواله معریفي کول او دمګړۍ د «مقاومت جبهې» په نوم له هیواد بېرون فعالیت کوي، د هیواد د طبعي زېرمو او جغرافیایي پلور په بدل کې د بهرنیو استخباراتو په مرستو پایي.دوی په مسلسل ډول د افغانستان د مشکلاتو اساسي لوبغاړي پاتې شوي دي، د نورو د لاسونو آلې ګرځېدلي او په بهرنیو او نړیوالو مرستو (دوامداره مزدورۍ) اتکاء کوي.د شوروي یرغل پر مهال شورای نظار یا د شمال ټلواله هغه څوک وو چې د امریکا، سعودي عربستان، اېران، هند، پاکستان او یو شمېر نورو هيوادو استخباراتو د خپلو شومو اهدافو لپاره په افغانستان کې په کار اچولي وو.د امریکایي یرغل پر مهال هم د شمال ټلوالې همغه تیت او پرک غړي د ناټو په ټانګونو سپاره کابل ته د لنډغرو په اکټونو کې را داخل شول او د جمهوریت تر پرځېدلو پورې یې خپلو بهرنیو بادارانو ته په خورا امانتدارۍ سره استخباراتي پلانونه تطبیق کړل.څو ورځې وړاندې په ټولنیزو رسنیو کې د باګرام نظامي هډې په تړاو بېلابېل نظرونه، افوهات او خبرونه سره تبادله شول.يو شمېر مغرضو کړیو او پردیپالو رسنیو آوازې خپرې کړې چې ګواکي سرپرست حکومت د باګرام هوایي او نظامي هډه امریکا ته سپارلې ده، په داسې حال کې چې د سرپرست حکومت ویاند یاد خبرونه افوهات او په کلکه رد کړل.د یادې موضوع څخه د سیاسی استفادې او د خلکو د توجه راجلبولو په خاطر د مقاومت جبهې یو تن غړي عبدالله خنجاني د یوې کرایي رسنۍ سره د باګرام په تړاو د مقاومت اساسي اصلیت خلکو ته بربنډ کړ.د ده په وینا: «باګرام د تاجکانو په سیمه کې دی او ټرمپ دې د سرپرست حکومت پر ځای له مونږ سره خبرې وکړي.» له دې خبرو جوتیږي چې مقاومت جبهه آماده ده ترڅو د افغانستان خاوره د بهرنیو پوځي هډو لپاره د دوی د بقاء د تضمین کولو په بدل کې وپلوري او دا چاره د «دموکراسۍ د احیاء» یا د «تش په نوم مقاومت» تر نامه لاندې توجیه کړي، هغه چې مزدورانه سیاست یې بللی شو.پر دې سربېره دا هم د یادونې وړ ده چې هغه اشخاص یا تحریکونه کوم چې د یوه ځانګړي قوم په نوم یو ملي بندر، جغرافیه، میدان، یا پایپلاین د سیاسي امتیاز لپاره کاروي، د هیواد د داخلي پلور د یوې بلې بڼې مخ ګڼلی شو.پوښتنه دا ده چې که ملي تأسیسات، هوایي میدانونه او نظامي هډې د قومونو ملکیت وي، نو د یوه استخباراتي قوم لهخوا د هغه دښمن ته د دې تأسیساتو معلومات، کمزوري کول او یا یې په نښه کول، څه معنا لري؟ آیا دا د داخلي پلور ښکاره بېلګه نه ده؟د سیاسي شنونکو په اند مقاومت په دوامداره توګه بهرني قدرتونه د خپل راتلونکي تعینوونکي ګڼي. د هغوی په اند، د جبهې روان سیاست نه یواځې د هېواد اتحاد، استقلال او خودکفایي ته زیان رسوي، بلکې د ملي تأسیساتو پر وړاندې یو ستر خطر هم ثابتېدای شي. یادؤنه: په هندوکشغږ کې نشر شوې لیکنې، مقالې او تبصرې یواځې د لیکوالانو نظر څرګندوي، د هندوکشغږ توافق ورسره شرط نه دی.
مخکښ پاکستانی خبریال، احمد نوراني: زموږ سره د عاصم منیر په څېر د هېواد پلورونکو، ضمیر پلورونکو او مفاد پرستو خلکو هېڅ کمی نشته13 مارچ 2026
