د ملي دفاع وزارت په مالي ملاتړ کونړ کې د نږدې شل میلیونه افغانیو په لګښت یو پل جوړ او ګټې اخیستنې ته وسپارل شو

د کونړ ولایت سیمه‌ییزو مسئولینو ویلي، چې د دغه ولایت په دانګام ولسوالۍ کې د ملي دفاع وزارت په مالي ملاتړ د ۱۸ میلیونه افغانیو په لګښت د ۳۱ متره په اوږدوالي او ۶ متره سور سره د یوه پل د جوړېدو چارې بشپړې او ګټې اخیستنې ته سپارل شوي، چې په مرسته به یې د سیند د دواړو غاړو اوسېدونکو ته د تګ راتګ ستونزې تر ډېره حل شي.