ورځ او نېټه: چهارشنبه ۱۴۴۶/۶/۲ ھ ق.
- [ ] افغانستان:
۱_د کابل – لوګر سړک د لومړۍ برخي د جوړولو چارې پیل شوې.
۲_هرات کې د موبایلونو يو غل له امنيتي ځواکونو سره په نښته کې وژل شوی.
۳_فراه کې د لومړي ځل لپاره د خوراکي توکو يوه توليدي شرکت په کار پيل وکړ.
۴_چين افغانستان سره د ساري ناروغيو د کنټرول په برخه کې مرسته کوي.
- [ ] سیمه:
۱_بلوڅ بېلتون غوښتونکي غورځنګ وسلهوالو په دوو جلا بریدونو کې پاکستاني پوځیانو ته مرګژوبله اړولې. - [ ] مینځنی ختیځ:
۱_د حماس يو مشر طلال نصار: ټولو هغو مجاهدينو ته سلام دی چې حلب یې نيولی او د حماة په لور روان دي. - [ ] نړۍ:
۱_ټرمپ: که کاناډا مالیاتي تعرفي نشي پرې کولی نو د امریکا یو پنځوسم ایالت دې شي.
۲_د سومالیا پر حکومتي ملېشو د القاعده غورځنګ د پوځي څانګې برید؛ شپږ تنه یې وژل شوي.
۳_د سوريې د حماة ښار يوه برخه د تحريرالشام ځواکونو لاسونو ته لويدلې.
۴_بېړنی: تحريرالشام حماة کې د بشارالاسد د تره زوی وژلی.
۵_د جنوبي کوریا ولسمشر د یوې ناڅاپي پرېکړې په ترڅ کې په دغه هېواد کې پوځي حالت اعلان کړی.
۶_د جنوبي کوریا پوځیان د دغه هېواد د پارلمان ودانۍ ته د ننوتلو کوښښ کوي، په ټولنيزو رسنيو کې د نشر شوي ویډیو کې لیدل کېږي چې دغه پوځیان د پارلمان د کړکیو ښیښې ماتوي او د پارلمان ودانۍ ته ننوځي.
۷_له هغې وروسته چې د جنوبي کوريا ولسمشر يون پوځي حکومت اعلان کړ، د اوپزيسيون غړو د جنوبي کوريا پارلمان ته د ننوتلو کوښښ کاوه چې پوځ يې مخنيوی کړی دی.
۸_د جنوبي کوریا د اپوزیسیون مشر «لی جای میونګ» په یاد هیواد کې د بېړني پوځي حالت له اعلانېدو وروسته وایي چې؛ «یون سوک یول» نور د دغه هېواد ولسمشر نه دی، د نوموړي په وینا د ولسمشر له خوا د پوځي حالت اعلانېدل هم غیر قانوني عمل دی.
۹_اسرائيلو په خان یونس کې پر یوه کور چاپه اچولې او د چاپې پر مهال د کور بام ته د ختلو په حالت کې د ۲۰۱مې قطعې یو عسکر، چې د هوایي ځواکونو اړوند دی، راغورځېدلی دی.
۱۰_د هيئة التحرير الشام ځواکونو د حماة په شرق کې له سختې جګړې وروسته د سوريې له حکومت(بشارالاسد) څخه يوه پوځي هډه نيولې.
۱۱_د بشارالاسد رژيم د سقوط تر پولو؛حماة ښار کې د سوريې د پوځ ۲۵ فرقه چې
د بشار الاسد د رژيم د ملا تير بلل کېږي ازادي غوښتونکيو ( تحريرالشام) ځواکونو نيولې ده.
۱۲_د هند په پنجاب ایالت کې د سکانو په مذهبي او عقيدوي ځای «امرتسر کولډن ټمپل» کې د يو سياسي ګوند په مشر ډزې شوي.
۱۳_د سوريې په حلب ښار کې د تحرير الشام غورځنګ مشر ابو محمد الجولاني د حلب له تاريخي کلا څخه لیدنه کړې.
۱۴_د سوریې خطاب ښار کې د تحرير الشام غورځنګ ځواکونه خپلو پرمختګونو ته دوام ورکوي.
۱۵_د سوریې د حلب ښار سره نږدې «سفير» نومي ځای کې د بشار الاسد د رژیم ګڼ شمېر وسلهوال د سوریې ازادي غوښتونکي غورځنګ (تحریرالشام) ته تسلیم شوي.
پاملرنه: د پورته خبرونو د تفصیل کتلو لپاره د هندوکشغږ د خبرونو څانګې ته مراجعه وکړئ.