لوړو زده کړو وزارت په يوه خبرپاڼه کې وايي، چې د دغه وزارت د عالي شورا په غونډه کې د هېواد په يو شمېر پوهنتونونو کې د دکتورا، ماسټرۍ او لېسانس نوې دورې رامنځته شوې.
سرچينه وايي، يادې غونډې ته د دغه وزارت وزیر، شيخ ندا محمد ندیم په خپلو خبرو کې ویلي، چې د دولتي او خصوصي پوهنتونونو پرمختګ، معیاري کېدو، ملاتړ او ارتقا ته ژمن دی.
د معلوماتو له مخې په دولتي پوهنتونونو کې۴ د دوکتورا، په دولتي او خصوصي پوهنتونونو کې ۸ د ماسټرۍ پروګرامونه او په دولتي او خصوصي پوهنتونونو کې ۵ نوي پوهنځي او همدا راز د هېواد د بېلابېلو پوهنتونونو په موجود پوهنځیو کې ۳۱ نوې څانګې رامنځته شوې.