هندی رسنیو خبر ورکړی، چې د هند تر واک لاندې جامو کشمیر اړوند “دودا” سیمه کې د هندي پوځیانو په یوه مرکز وسله وال برید شوی دی.
هندي چارواکو ویلي، چې په دغه برید کې یو هندی پوځي وژل شوی او شپږ تنه نور ټپیان شوي دي، په ټپیانو کې یو افسر هم شامل دی.
د “کشمیر پړانګو” په نوم یوې وسله والې ډلې د اعلامیې په خپرولو سره د دغه برید مسولیت منلی دی او ګواښ یې کړی، چې د دوی جنګ به د کشمیر تر ازادېدو پورې دوام کوي.
کشمیر پړانګان یوه وسله واله سیمه ډله ده، چې د هند حکومت پر وړاندې په جامو کشمیر کې وسله واله مبارزه کوي او وخت ناوخت د هندي پوځیانو پر مرکزونو وسله وال بریدنه ترسره کوي.