د یمن د انصارالله (حوثي) غورځنګ مخکښ مشر او د رهبرۍ شوری غړي محمد علي الحوثي د یمن په اړه د سعودي عربستان وروستیو څرګندونو ته په غبرګون کې ویلي، «که غواړئ له یمن سره نوې جګړه کې ښکېل شئ، نو تاوان به یې تر پخوا زیات وي.»

نوموړي د یمن د خلکو پر وړاندې هر ډول جګړه د اسرائیلو او امریکا په ملاتړ جګړه بللې او ویلي یې دي چې، «موږ په سعودي عربستان غږ کوو چې خپل پلانونه بدل کړي، خپل غلط درک سم کړي او د یمن د خلکو په اړه خپل منفي تبليغات او نظر بدل کړي.»

نوموړي د خبرو پر دوام ویلي چې سعودي له خپلو تېرو تجربو او غلطيو څه نه‌دي زده کړي، د الحوثي په وینا سعودي ویلي وو ،چې دوی به په دوو اونیو کې یمن ونیسي خو وس يې ونه رسېد.

حوثي زیاته کړې، سعودي د خپلې پیاوړتیا په اوج کې په ټول توان پر یمن برید وکړ، په داسې حال کې چې د یمن خلکو هیڅ هم نه‌ درلودل، بیا هم یمنیان بریالي شول.

ځواب پریږدئ

Exit mobile version