د پاکستاني طالبانو غورځنګ ویاند محمد خراساني وایي، چې یاد غورځنګ د واڼه سیمې پر «کیډیټ کالج» شوي برید کې لاس نه لري.
خراساني زیاتوي، چې تعلیمي او روغتیایي ادارې د یاد غورځنګ د اهدافو برخه نه دي.
د نوموړي په خبره د پاکستاني طالبانو غورځنګ اهداف ښکاره دي او هغه د پاکستان امنیتي ادارې او د هغوی ملاتړي دي.
دا په داسې حال کې ده چې نن (دوشنبه) د جنوبې وزیرستان واڼه سیمه کې پر کډیټ کالج وسله وال برید شوی.
ځایي سرچینو ویلي، چې وسلهوال یاد کالج ته ننوتي او دا مهال په جګړه بوخت دي.
د دې برید مسئولیت تر دې مهاله کومې ډلې نهدی منلی.