د پرځېدلي جمهوريت پر مهال د کورنيو چارو وزارت سياسي سلاکار ادريس ستانکزي د ايران او اسرائيل ترمنځ په وروستي کړکېچ کې مقاومت جبهې ته په خطاب کې ويلي، چې د ايران او اسرائيل ترمنځ جګړه کې بايد خپل دريځ معلوم کړي.
نوموړي د ايران له لوري د مقاومت جبهې ملاتړ او د ايران او اسرائيل په جګړه کې د دوی چوپتيا ته په اشارې په خپله اېکس پاڼه ليکلي «د ایران او اسرائیل د جګړې په اړه د مقاومت جبهې دریځ څه دی؟ تاسو چې د ایران پیسې او دفترونه اخلئ، نو خپل دریځ روښانه کړئ».
تر دې ورهاخوا بيا سياسي شنونکي په دې باور دي، چې مقاومت او نورو تش په نوم جبهو بار بار د افغان حکومت پر وړاندې د مخالفت لپاره له اسرائیلو مرسته غوښتې او له موساد سره مستقيم تماس لري نو د همدې له امله نشي کولای چې په روان کړکېچ کې د ايران ملاتړ وکړي.