د کار او ټولنیزو چارو وزیر ملا عبدالمنان عمري، د کارګرو نړۍوالې ورځې په نمانځغونډه کې په نورو هېودونو کې له افغان کارګرو سره پر ناوړه چلند نیوکه کړې او دا چاره یې نه زغمونکې بللې ده.
هغه په خپلو خبرو کې پر نړۍوالو غږ کړی، چې باید د کارګرو موضوع سیاسي نه کړي.
نوموړي د کارګرو ټولنې پرانیستې ته په اشاره زیاته کړې، چې دغه ټولنه به د کارګرو د حقونو ساتنې مرجع وي.
د کار او ټولنیزو چارو وزیر ملا عبدالمنان عمري ټینګار کړی، چې د وخت حکومتونو د کارګرو له ټولنې ناوړه ګټه اخیستې او دغه ټولنه یې بدنامه کړې ده.
ښاغلي عمري دغه راز ویلي، چې د هېواد د ځان بسیاینې لپاره ټول افغانان باید یو موټی شي او خپل مسئولیت اداء کړي.