د کانونو او پټرولیم سرپرست وزیر، ملا هدايت الله بدري ازبکستان ته د سفر په ترڅ کې د دغه هېواد د انرژۍ له وزیر، د نفتو او ګازو له رئیس، د جیولوژۍ پوهنتون له رئیس، د معلوماتي او ټکنالوژۍ وزارت له مرستیال او هلته مېشتو افغان سوداګرو سره کتلي دي.
د کانونو او پټرولیم وزارت د خبرپاڼې له مخې، سرپرست وزیر په دغو غونډو کې ازبکستاني پانګوال هڅولي چې د افغانستان د کانونو په برخه کې پانګونه وکړي.
