د کډوالو په چارو کې د ملګرو ملتونو عالي کمېشنرۍ مسئولینو د ننګرهار کډوالو او راستنېدونکو چارو رئیس سره په کتنه کې ویلي، چې دوی به له افغان کډوالو سره د تېر په څېر خپلو مرستو ته دوام ورکړي.
د کډوالو او بېرته راستنېدونکو چارو وزارت د خبر پاڼې لهمخې، د یادې کمیشنرۍ مسئولینو زیاته کړې، چې دوی به په تورخم مېشتغالي کې خپلې مرستې زیاتې کړي او د راستنېدونکو لپاره به پر ښارونو سربېره په لرې پرتو سیمو کې هم لومړني خدمتونه وړاندې کړي.
ورته مهال د ننګرهار د کډوالو چارو رئیس، تورخم مېشتغالي کې د مرستو پر پراختیا ټینګار کړی او زیاته کړې یې ده چې له راستنېدونکو خپلې پانګې په پاکستان کې پاتې دي، او اوس مهال نغدو پیسو، خوړو، حرفوي زده کړو، سرپناوو، روغتیايي، کرنې او په ګڼو نورو برخو کې مرستو ته اړتیا لري.