شېر کړئ Facebook Twitter بریښنالیک Telegram WhatsApp افغانالاصله پخواني امریکايي ډيپلوماټ زلمي خلیزاد له انګرېزي ښکېلاک څخه د هېواد د خپلواکۍ د ۱۰۶مې کالیزې په مناسبت په یوه پیغام کې ویلي، چې له لسیزو وروسته افغانستان کې امنیت زیات شوی او تر څنګ یې پر لویو پروژو کار روان دی.نوموړي ویلي:«ترڅو لسیزو جګړو وروسته، اوس زیات امنیت شته او د نشهيي توکو پر ضد مبارزه کې پرمختګ شوی، همدا راز پر مهمو بنسټیزو پروژو کار روان دی.»نوموړي زیاته کړې، چې پخواني مشران او واکمنان (د پرځېدلي جمهوریت چارواکي او د احزابو مشران) هڅه کوي چې خپلې تېروتنې بیا تکرار کړي او په خبره یې: «دوی غواړي پخوانۍ ګټې بېرته ترلاسه کړي.»د ویلو ده، چې دې پخواني امریکایي ډیپلوماټ دا څرګندونې داسې مهال کړي، چې په دې وروستیو کې ځیني راپورونه خپاره شول، چې پاکستان د پرځېدلي جمهوریت یوه ډله ورغوښتې او ورسره خبرې اترې کوي. هیره دې نه وي، چې په خپاره شوي لیست کې د شرخوښو جبهاتو غړي شامل دي.
د افغان حکومت وياند مولوي ذبيح الله مجاهد: موږ بديلې لارې موندلي او له پاکستان سره به سوداګريزې لارې هغه وخت خلاصېږي، کله چې مقابل لوری د بيا نه تړلو قوي تضمين وړاندې کړي4 دسمبر 2025
