یو شمېر رسنیو د اوکراین د ولسمشر له قوله ویلي، چې روسیې د تېرې یوې اونۍ په ترڅ کې د اوکراین په خاوره سلګونه “ګلایډ” بمونه غورځولې دي.
د اوکراین ولسمشر “ولادیمیر زیلنسکي” په خپلو وروستیو څرګندونو کې ویلي، چې روسیې په تېره یوه اونۍ کې د اوکراین پر خاوره تر ۸۰۰ ډېر ګلایډ بمونه غورځولي دي، چې له امله یې اوکراین کې زیات تخریبات رامنځ ته شوي او دغه هېواد ته یې زیات زیانونه رسولې دي.
نوموړي له لویدیځو هېوادونو څخه غوښتي، چې په روسیه کې دننه د اهدافو په ویشتو کې کیف ته له ورکړل شویو وسلو څخه د استفادې قانون نور هم نرم کړي.
معلومات ښیي، چې “ګلایډ” بمونه د پخواني شوروي اتحاد د وخت درانه بمونه دي او د دقیق لارښود سیسټم په درلودلو سره له الوتکې غورځول کېږي.