شېر کړئ Facebook Twitter بریښنالیک Telegram WhatsApp عبري رسنیو د امریکا او اروپایي هېوادونو ترمنځ وروستیو کړکېچونو ته په اشارې ویلي، چې د امریکا ولسمشر ډونالډ ټرمپ سوداګر دی او ښایي پر اسرائیلو هم معامله وکړي.د صهیونیستي رژیم ۱۴ تلویزیوني شبکې په خپل راپور کې ویلي، هغه ادعاوې چې ټرمپ د اسرائیلو د امنیت د ساتنې په نوم مطرح کوي، حقیقت نهلري.یادې شبکې اعتراف کړی، چې ټرمپ نړۍ ته د سیاست پر ځای د سوداګرۍ له زاویې ګوري او هر څه د اقتصادي ګټې او معاملې په چوکاټ کې ارزوي؛ «داسې چې اسرائیل هم د ده لپاره یو ثابت لومړیتوب نه ګڼل کېږي.»څو ورځې وړاندې د اسرئیلو د مالیې وزیر ویلي وو، چې اشغال شوي فلسطین کې باید د امریکا پوځي هډه وتړل شي، ځکه په خبره یې یاد مرکز دوی ته پر امنیتي ګواښ بدلېدونکی دی.
