سپوتنيک خبري اژانس د عراق سرحدي ځواکونو له قوله ویلي، چې له سوریې سره پر پوله یې د دفاعي دېوال جوړولو کار بشپړېدو ته نږدې کړی دی.
د عراق او سوریې ترمنځ ۶۱۸ کیلومتره اوږده پوله کې د دېوال جوړولو چارې په ۲۰۲۲ کال کې پیل شوې وې او تر دې دمه ۳۵۰ کیلومتره کانکریټي دېوال جوړ شوی دی.
د معلوماتو له مخې د دېوال ترڅنګ درې متره ژور خندق او په کامرو سمبال څار برجونه هم جوړ شوي دي.
چارواکو ویلي، چې له ایران، اردن، سعودي، کوېت او ترکیې سره پر پولو هم ورته ډول دفاعي دیوالونه جوړوي.