تسنیم خبري اژانس غزه کې د خپلو سرچینو له قوله خبر ورکړی چې؛ پر صهیونیستي پوځیانو د حماس اسلامي غورځنګ د پوځي څانګې «کتائب القسام» ځواکونو د تېرې ورځې په بریدونو کې لږ تر لږه درې صهیونیستي پوځیان وژل شوي دي.
سرچینه زیاتوي؛ په دغو بریدونو کې چې تېره ورځ د غزې ښار په بېلابېلو سیمو کې تر سره شوي د صهیونیستي پوځیانو یو عراده مرکاوا ټانک هم په بشپړه توګه لهمنځه تللی.
د ر سمي شمېرو له مخې غزه کې د جګړې له پیل را هیسې نږدې ۴۰۰ صهیونیستي پوځیان وژل شوي او تر ۸۰۰ ډېر ټپیان شوي، هېره دې نه وي چې صهیونیستي رژیم په غزه کې د خپل پوځ مرګژوبله سانسوروي او د معلوماتو له ورکولو ډډه کوي.
