د غور د اطلاعاتو او کلتور رياست مسؤلين وايي چې، په ياد ولايت کې د تاریخي جام څلي د ساتنې لپاره د ګابیون دېوال پروژې کار پیل شو.
د غور د اطلاعاتو او کلتور ریاست رئيس مولوي عبدالحی زعيم زياتوي چې، دغه پروژه د سېلابونو د خطر د مخنیوي لپاره پلي کېږي او له منار جام څخه تاوېدونکی ياد دېوال ۲۶۷ متره اوږدوالی او یو متر لوړوالی لري، چې ۵۰ ورځو کې به د ٣٢ زره امریکایي ډالرو په لګښت جوړ شي.
نوموړي ويلي چې، د دې پروژې په بشپړېدو سره به د منار جام د سېلاب له زیان څخه خوندي شي.