افغان خبریال سمیع الله هلال وایي، له پرون ماښام راهیسې د امو او افغانستان انټرنشنال په نوم رسنۍ داسې خپرونې کوي، چې له پاکستاني رسنیو سره یې هېڅ توپیر نه لېدل کېږي.
ښاغلی هلال زیاتوي، چې دوی کټ مټ د پاکستانۍ رسنیو سرلیکونه او د پاکستان د تبلیغاتي سرچینو خبرې اخلي او په خپلو رسنیو کې یې خپروي.
د نوموړي په خبره، دغه رسنۍ په اسلاماباد کې فعال دفترونه او کارمندان لري، د پاکستان د استخباراتو په پیسو چلېږي او د هغوی په ګټه او د افغانستان پر ضد تبلیغات کوي؛ «دا دومره پس فطرته خلک دي، چې د خپلو جیبونو د ډکولو لپاره د دښمن هرې ناروا غوښتنې ته لبیک وایي.»
یاده دې وي، چې د افغانستان انټرنشنال او آمو په نوم ټلویزیونونو او دغه راز څو نورو پر لیکه رسنیو د افغانستان او پاکستان په جګړه کې په ښکاره د پاکستان ملاتړ کړی، چې دې چارې یې په واقعې مانا د دوی پټې څهرې بربنډې کړې دي.