د شفيق احمد په نوم يوه پاکستاني وګړي چې په ټولنيزو رسنيو کې ډېر فالورز لري، د پاکستاني ميډيا دروغو ته په اشارې په طنزيه ډول ليکلي، چې پاکستان په سوشل ميډيا کې له افغانستان سربېره تاجکستان ترکمنستان او نور هېوادونه هم ونيول.
هغه ليکلي «د نړيوالو خبري اژانسونو د راپور له مخې، افغانستان د پاکستان ۵۸ پوځيان وژلي؛ خو د پاکستان د ميډيا په خبره د دوی پوځ نه یوازې افغانستان فتح کړی، بلکې تر ترکمنستان، تاجکستان او نورو سیمو پورې هم رسېدلي دي.»
هغه همدا راز جګړه کې د پاکستاني عسکرو يونيفورم پاتې کېدو ته په غبرګون کې ويلي، په جګړه کې د دريشۍ پرېښودل؛ هغه هم پر ډبرو ډېره بده او د شرم وړ خبره ده.
د نوموړي په خبره پاکستانيانو تر اوسه د هغو ۹۳ زرو پتلونونو درد نه دی هېر کړی، چې د بنګله دېش ډاکه کې له پوځيانو پاتې و، نو په خپل پوځ دې مهرباني وکړي او موږ ته دې نور درد نه راکوي.