د ریاستالوزراء اقتصادي معاونیت په یوه خبرپاڼه کې ویلي، چې د ریاستالوزراء اقتصادي مرستیال ملا عبدالغني برادر په بلخ ولایت کې «مفید» د خوراکي غوړیو، حیواني خوراکې او چرګانو دانې له تولیدي شرکت څخه لیدنه کړې، چې شاوخوا ۳۰ میلیونه ډالر پانګونه پرې شوې ده.
خبرپاڼه زیاتوي، چې دغه شرکت په میاشتني ډول د ۶۰۰ ټنه خوراکي غوړیو او پنځه زره ټنه حیواني خوراکې او چرګانو دانې د تولید وړتیا لري.
ملا برادر د شرکت له محصولاتو ستاینه کړې او مسوولینو ته یې سپارښتنه کړې، چې د کمیت ترڅنګ د تولیداتو کیفیت او معیارونو ته هم پوره پاملرنه وکړي. د شرکت مسوولینو هم د کیفیت ساتلو او معیارونو مراعاتولو ډاډ ورکړی دی.