د بهرنيو چارو وزارت ویاند عبدالقهار بلخي په یوه خبرپاڼه کې ویلي چې، د دغه وزارت سرپرست مولوي امير خان متقي نن په دوحه کې د حماس اسلامي غورځنګ د رهبرۍ شوری له مشر اسماعيل دروېش او نورو مشرانو سره کتلي.
د ښاغلي بلخي په وینا، په دې ناسته کې د غزې غميزې شهداؤ ته د دعا ترڅنګ د هغوی مبارزه او ثبات ستايل شوي او په غزه کې د صهیونیستي رژيم نسلوژنه او د ډلهييزې لوږې غير انساني چلند غندل شوی دی.
د هېواد د بهرنيو چارو وزير ويلي چې، افغان ولس د فلسطيني ورور ولس د مشروع مبارزې ملاتړ کوي او د بريا هيله ورته کوي.