Close Menu
    افغانستان

    مولوي بدرالدین حقاني له امارات مېشته افغان مخورو او سوداګرو سره کتلي

    عمران آغاڅرگندونې نشته1 دقیقه لوستل
    ‏ابو ظبۍ کې د افغانستان سفیر، مولوي بدر الدین حقاني په متحده عربي اماراتو کې له مېشتو یو شمېر افغان مخورو او سوداګرو سره کتلي.

    متحده عربي اماراتو کې د افغانستان سفارت وایي، دې کتنه کې افغان مخورو او سوداګرو له افغان حکومت څخه ملاتړ خپله اسلامي او اخلاقي دنده بللې.

    سرچینه زیاتوي، چې له دې سربېره دوی د یو لړ سوداګریزو ستونزو په شریکولو سره په متحده عربي اماراتو کې د افغان کاریګرو د حقونو او ملاتړ په برخه کې د سفارت د ځانګړې پاملرنې غوښتنه کړې.

    ښاغلي حقاني ویلي، چې په اماراتو کې د افغانانو خدمت او د هغوی له مشروع حقونو ملاتړ او په دې برخه کې د هر راز اسانتیاوو رامنځ ته کول یې لومړیتوب دی.

    نوموړي ډاډ ورکړی، چې په متحده عربي اماراتو کې د افغان سوداګرو د شته ستونزو د حل لپاره به هر اړخیزې هڅې تر سره کوي.

    مربوطه لیکنې

    ځواب پریږدئ