د ننګرهار امنیه قومنداني وایي، د دې ولايت د غني خېلو ولسوالۍ اړوند مارکو بازار په مریز خان مارکېټ کې د برېښنا د شارټۍ له امله د سميع الله په نوم د یوکس درې دوکانونه سوځېدلي دي.
د قومندانۍ د ویاند په وینا، د پېښې سیمې ته د ننګرهار ولايت د اطفايې مديريت منسوبين پر وخت رسېدلي، چې د لګېدلي اور د زياتيدو مخه یې نيولې ده.
د همدې پېښې له امله سمیع الله نومي کس ته ۱۲,۰۰,۰۰۰ دولس لکه افغانۍ مالي زيان هم اوښتی دی.ویاند زیاتوي چې دې پېښه کې دوه تنه برسېرن ژوبل شوي هم دي او د درملنې په موخه يې د ولسوالۍ ساحوي روغتون ته انتقال کړي دي چې له رغېدو وروسته به خپلو کورنیو ته ستانه شي.