د کورنیو چارو وزارت وایي، د ننګرهار ولایت په اچین ولسوالۍ کې د دوه کورنیو ترمنځ سل کلنه دښمني د ځایي مسئولینو په هڅو پای ته رسېدلې او دواړه کورنۍ سولهییز ژوند ته راګرځېدلي دي.
د یاد وزارت په وینا، د یادې دښمنۍ په اوږدو کې د دواړو لوریو درې تنه وژل شوي او شپږ نور ټپیان شوي وو.
د دواړو کورنيو غړو له مسئولينو مننه کړې او ژمنه یې کړې چې تر دې وروسته به سولهییز ژوند ته دوام ورکوي.
یاده دې وي چې د سرپرست حکومت له حاکمیت وروسته په هېواد کې د ټولنیزو شخړو د حل په برخه کې بې سارې هڅې شوي دي او د لسګونه کورنیو ترمنځ پخوانۍ دښمنۍ په دوستۍ بدلې شوې دي.