د هند د کېرالا د ویاناډ ولسوالۍ په غرنیو سیمو کې د ځمکې ښویېدنې له امله ۱۹ کسان مړه شوي دي.
ورته مهال د هند لومړي وزیر نرېندرا مودي په ویاناډ کې د ځمکې ښویېدنې وروسته د کېرالا حکومت ته له مرکزه د هر ډول ممکنه مرستې ډاډ ورکړی.
هغه پر خپله ټویټر پاڼه لیکلي، د ویاناډ په ځینو برخو کې د ځمکې ښویېدنې له امله ګڼ خلک زیانمن شوي دي، چې په سیمه کې د ژغورنې عملیات روان دي.
د راپورونو له مخې، د مړو شویو کسانو شمېره ښایي ډېره لوړه شي؛ خو لا هم تر خاورو لاندې سلګونه بند پاتې کسان نه دي را اېستل شوي.
د يادونې وړ ده چې په وروستيو دوه اونيو کې د هند سربېره په چين او ايتوپيا هېوادونو کې هم د ځمکې ښویېدنې پېښې رامنځته شوې وې چې له امله یې سلګونه کسانو ته مرګ ژوبله اوښتې وه.