نيويارک ټايمز راپور ورکړی، چې د ډونالډ ټرمپ حکومت د لسګونو هېوادونو پر وګړو د سفرونو د سختو بندیزونو او محدودیتونو لګولو پر سر غور کوي او که دغه طرحه پلې شي د افغانانو په ګډون به د لسو نورو هېوادونو وګړي امریکا ته له سفر کولو څخه منع شي.
د سرچينې په وينا، د ټرمپ اداره د ۴۳ هېوادونو پر وګړو د سفرونو پر بندیزونو غور کوي.
د سرچینه زیاتوي، دغه ګام د ټرمپ د لومړۍ دورې د کډوالۍ بندیزونو په پرتله یو څه محدود دی؛ خو لا یې هم د پراخېدو شونتیا لیدل کېږي او په وينا یې دغه پرېکړه لا وروستۍ شوې نه ده؛ خو د امریکا د حکومت له لوري یوه مسوده چمتو شوې چې پکې هېوادونه په درېیونوملړونو وېشل شوي دي.
د دې نوملړونو له ډلې یې په سور نوملړ کې ۱۱ هېوادونه شامل دي، چې وګړي یې د امریکا خاورې ته له ننوتو منع شوي دي په دغو هېوادونو کې افغانستان، ایران، بوتان، کوبا، لېبیا، شمالي کوریا، سومالیا، سوډان سوریه، ونزویلا او یمن شامل دي.