د پاکستاني طالبانو غورځنګ ځواکونو د خیبر پښتونخوا بېلابېلو سیمو کې په نهو جلا بریدونو کې د پاکستاني پوځ ۳۸ عسکر هلاک شوي او ۱۹ نور یې ټپیان کړي دي.
د معلوماتو له مخې دغه بریدونه د خیبر پښتونخوا، اورکزي، چترال، مهمند، جنوبي او شمالي وزیرستانونو کې ترسره شوي.
ویل شوي، دغو بریدونو کې پاکستاني پوځ ته په درانه ځاني زیان سربېره پراخ مالي زیان هم ور اوښتی دی.
د یادونې ده، چې د پاکستاني طالبانو غورځنګ په دې ورستیو کې پاکستان کې خپل عملیات پراخ کړي او دا مهال له خیبر پښتونخوا ورهاخوا د پاکستان ګڼو لویو ښارونو کې فعال ځواکونه لري.