له خیبر پښتونخوا د هندوکشغږ سرچینې وایي، پاکستاني طالبانو تازه په یوه هدفي برید کې جنوبي وزیرستان کې د اعظم ورسک تاڼې محرر وژلی او دغه راز یې په دېره اسماعیل خان کې یې پاکستاني پوځیانو ته ورکړی.
د سرچینې د معلوماتو لهمخې، د یادې تاڼې محرر، سهيل نومېده، چې د ګڼو ملکي خلکو او د یاد غورځنګ د غړو په شکنجه کولو، نيولو او ځورولو کې ښکېل و.
سرچینه زیاتوي، له دې سربېره پاکستاني طالبانو د دېره اسماعيل خان ولايت د کلاچي سيمې څخه مډي کلي ته اکمالات کوونکي پوځیان کمین ته غورځولي، چې پکې یو موټر تخریب او ګڼ شمېر پاکستاني پوځیان وژل شوې دي.
د سرچینې په خبره، پاکستاني طالبانو په دغه برید کې یوه ډرون کېمره رانسکوره او له ځانه سره وړې ده.
له بلې خوا د پاکستان حکومت تر دې مهاله په دې اړه څه نهدي ویلي.
د یادونې، ده چې په وروستیو څو ورځو کې خیبر پښتونخوا کې د پاکستانې طالبانو عملیات په بېساري ډول زیات شوي او د معلوماتو لهمخې، یو شمېر نورې مهمې سیمې یې هم تر خپلې ولکې لاندې راوستي دي.