د برطانیوي استعمار له لورې جوړه شوې محدوده او پکې د خپلې خوښې خلک او نظام جوړول د دې لپاره وو، چې د اسیا لویې وچې زړه دې ترې نا ارامه او تشنج کې واقع وي.
د افغانستان په خاوره د ټولو بدبختیو د عامل په لټون چې شې، پایله کې به د پاکستان وجود ثابت شي. امریکا او ملګري یې د دوی په خوښه او مرسته په افغانستان یرغل راوړ، چې دلته یې زرګونه ککرۍ په مرمیو سورۍ او زرګونه کورنۍ یې د اور په لمبو لولپه کړې. عجیبه دا وه، چې له مهاجرینو سره د مرستې پیسې یې پټولې او په هماغو پیسو یې خپل فوځ مجهز کړ.
پاکستان په ټول تاریخ کې د افغانستان په خاوره له هیڅ یو نظام سره جوړ نه دی راغلی حتی له هغه جمهوریت سره هم جوړ نهشو، چې د آی ایس آی لېډران یې د کابل زندانونو ته د تحقیقاتو لپاره راتلل، د جمهوریت عسکر جي ایچ کیو ته د ټرینینګ لپاره لېږل کېدل. نو د هغو خلکو سره به کله روغ راشي، چې کابو هر یو مشر یې ورته شکنجه کړی دی؟
پاکستان د نړۍ هغه خلک راټول کړې دي، چې د غزې قتل عام روا بولي، د ښځو د مختلط تعلیم لپاره کوښښونه کوي، ځوانان د سیکسولېژم په دامونو کې د نښلولو لپاره شپه او ورځ پلان ګوزارۍ کوي. دا خلک پخوا ولې د هغو خویندو له غمه نه وو مړه، چې په برمل کې یې په خوب ویدې د باروتو په سکروټو لمبه کړې؟
دا راټول خلک پاکستان ته ولې نه وایي، چې د عافیه صدیقي په څېر تعلیم یافته میرمنې په امریکا او د هغوی په نورو متحدینو مه خرڅوئ او یا یې په خپل زندانونو کې مه ساتئ؟ دا خلک ولې هغو مخامخ ناستو نېمه لوڅو مېرمنو ته نه وایي، چې حجاب شرعي حکم دی ولې یې نه عملي کوئ؟
په دې سمینار کې دا راټول خلک ولې د هغو مېرمنو په اړه د پاکستان فوځ له ګرېوان څخه نه رانیسي چې هر کال لسګونه زره مړې او ژوندۍ ورکوي. پاکستان دې لومړی د خپلو میرمنو حقوق تضمین کړي بیا دې د نورو هېوادونو د میرمنو غم وکړي.
پاکستان خپل مسحه کېدوونکی وجود په دې کېسو ژغورل غواړي او د همدې لپاره یې کاذبو تبلیغاتو ته ملا تړلې ده. د پردې تر شاه پاکستان غواړي، چې د کشمیر پلورل ترسره او خپل ځوړند حالت پرې ښه کړي.
دا خلک د هالیوډ فلم د لوبغاړو په څېر هر یو خپل رول ادا کوي او ټول په دې هڅه کې دي، چې له یو او بل ښه رول ولوبوي، تر څو یې د غلامۍ څوکۍ پورته شي.