پاکستان کې د افغانستان پخواني سفير عاطف مشعل د فضل فضلي هغو خبرو ته توند غبرګون ښودلی چې ويلي یې و، د پاکستان پوځي رژيم او افغان حکومت وروستۍ جګړه يوه ډرامه ده. ښاغلي مشعل په غبرګون کې ویلي چې که دې خلکو د شرم په نوم څه پېژندلی، شاید بیا هيڅکله هم د افغانستان په سیاست کې نه وای غږېدلي او له ولس یې بښنه غوښتې وای.
عاطف مشعل زياته کړې ده «فضلي او حلقه یې د جمهوریت بدنام ترین نومونه دي او ولس به یې کله هم ونه بښي.»
د جمهوريت د چارو ادارې رييس فضل فضلي ويلي و، چې د افغانستان حکومت او پاکستان پوځي رژيم ترمنځ وروستۍ جګړه د ولس تېر اېستلو هڅه وه.
د فضلي دې خبرو ته د عاطف مشعل په ګډون ګڼو نورو پخوانيو سیاسيونو او مشهورو څهرو هم توند غبرګون ښودلی دی.