په اسلام اباد کې د امریکا سفارت خپلو اتباعو ته لارښونه کړې چې، د بريدونو د احتمالي خطرونو له کبله د پاکستان په پلازمېنه اسلام اباد کې له مشهور (فیصل مسجد) څخه لرې واوسي.
د امريکا سفارت له هغه وروسته دا خبرداری خپور کړ، چې په روانې اوونۍ کې په ټولنیزو رسنیو کې یوه ویډيو خپره شوه، چې پکې يوه تن په سپينه پاڼه د پاکستان د طالبانو بيرغ رسم او له فيصل مسجد سره یې انځور اخيستی وو.
په ورته وخت کې د امنيتي حالاتو د شنونکو په وينا د پاکستان د حکومت پر وړاندې د پاکستاني طالبانو مبارزه او جګړه له پخوا څو چنده پیاوړې شوې او له غرونو څخه ښارونو ته راښکته شوي چې له همدې امله ګمان کېږي د پاکستان هر ځای، چې دوی وغواړي بريد پکې کولای او په نښه کولای یې شي.