پخوانی افغانالاصله امریکایي ډیپلوماټ زلمی خلیزاد ویلي، چې پر افغانستان د پاکستان پوځي رژیم د تېرې شپې هوايي بریدونو ملکي وګړي شهیدان کړي او د کام ایر خصوصي هوايي شرکت د تېلو زېرمه یې ویجاړه کړې ده.
نوموړي زیاته کړې، چې د پاکستاني رژیم دا کار د منلو نه دی او برعکس زیان رسوونکی دی؛ «زه دا تېری په خورا سختو ټکو غندم.»
دې پخواني امریکایي ډیپلوماټ د پوښتنې په ډول دا هم ویلي، چې ایا د پاکستان واکمن بنسټونه توان لري، چې پاکستان په مسؤلانه ډول رهبري کړي، که نه؟ خلیزاد په خپله دې پوښتنې ته ځواب نهدی ویلی.
نوموړي وړاندې سپارښتنه کړې، چې اسلاماباد باید سمدستي تاوتریخوالی کم کړي او خبرو اترو ته غاړه کېږدي که نه نو افغانان به خپل ځواب ورکړي.