د معیار او کیفیت ادارې ویلي، چې اسلامکلا بندر کې یې د داخلي معیارونو خلاف تر ۱۱۷ ټنو د زیات وزن لرونکو ودانیزو توکو درې محمولې بېرته صادروونکي هېواد ته ګرځولې دي.
د معلوماتو له مخې، په دغو محمولو کې ۴۲.۸ ټنه سمنټ او ۷۴.۸۵ ټنه نبشي شامل وو، چې د یادې ادارې د فني کارکوونکو د کیفیت له ارزونې وروسته له ټاکل شویو معیارونو سره د نه مطابقت له امله یې هېواد ته د داخلېدو مخه نیول شوې.
د معیار او کیفیت اداره وايي، د بېکیفیته او غیرمعیاري توکو د واردېدو د مخنیوي لپاره به خپلو کنټرولي اقداماتو ته په جدي توګه دوام ورکړي.