د ریاستالوزراء اقتصادي معاونیت په یوه خبرپاڼه کې ویلي، چې د ریاست الوزراژ اقتصادي مرستیال ملا عبدالغني برادر اخوند په هېواد کې د ځانګړو اقتصادي زونونو د رامنځته کولو کاري پلان تایید کړی دی.
د خبرپاڼې له مخې، دغه زونونه به د مشرتابه د حکم پر اساس په کابل، بلخ، ننګرهار، کندهار، هرات، پکتیا او کندز ولایتونو کې جوړ شي.
د پلان له مخې، د صنعت او سوداګرۍ وزارت به د اړوندو ادارو په همکارۍ د دغو زونونو لپاره د ځمکې تثبیت، د سکټوري فعالیتونو او اړینو خدماتو د مشخص کولو او پانګونې زمینه برابره کړي.
د خبرپاڼې په وینا، د ځانګړو اقتصادي زونونو په جوړېدو سره به د نوې پانګونې د جذب، صادراتو او وارداتو د نسبي توازن او د کورنیو تولیدي فعالیتونو د پراختیا زمینه برابره شي.