د پکتیا ولایت سیمه ییز چارواکي وایي، چې په دې ولایت کې د غر ښوییدنې په پېښه کې د یوې کورنۍ ۷ غړو خپل ژوند له لاسه ورکړی دی.
د پکتیا ولایت د طبیعي پېښو ته درسېدنې رییس نثار احمد نجات وایي، چې د غر ښوییدنې دغه پېښه تېره ورځ نا وخته د څمکنیو ولسوالۍ اړوند “جګ اورګور” سیمه کې رامنځ ته شوې، چې له امله یې د یوې کورنۍ ۷ غړي مړه شوي دي.
نوموړي زیاته کړه، چې د پېښې قربانیان دوه ښځې او ۵ ماشومان دي.
هغه همداراز وویل، چې تېره ورځ په څمکنیو ولسوالۍ کې یو ماشوم د سیلاب اوبو ډوب کړی او مړ شوی دی.
یاده دې وي، چې له دې وړاندې هم په پروان ولایت کې دوه تنه اوبو ډوب کړي او مړه شوي وو.