د سرحدونو، قومونو او قبایلو چارو ورارت په یوه خبرپاڼه کې ویلي، چې د بدخشان، جوزجان، خوست او غور ولایتونو په څلورو ولسوالیو کې له خلکو، علماوو، قومي مخورو او متنفذینو سره د اسلامي شریعت د نفاذ او همغږۍ غونډې شوې دي.
دغه غونډې د بدخشان په یمګان، د جوزجان په قرقین، د خوست په تڼیو او د غور په تولک ولسوالیو کې شوي، چې خلک د اسلامي شریعت د احکامو پر پلي کېدو او د مشرتابه د فرمانونو پر تشریح سربېره، د اسلامي نظام پیروي، یو بل منلو او د شرعي احکامو په خپرولو کې ونډې اخیستو ته رابلل شوي دي.
علماوو او قومي مشرانو هم د اسلامي نظام له حاکمیت وروسته د امنیت او ولسي یووالي په اړه خوښي څرګنده کړې او خلک یې د اسلامي شریعت او احکامو پلي کولو ته هڅولي دي.