د روسیې ولسمشر ولادیمیر پوتین ویلي، هېواد یې په نړۍ کې د اقتصادي بندیزونو له تر ټولو زیات شمېر سره مخ شوی، خو توانېدلی چې د دغو فشارونو پر وړاندې مقاومت وکړي.
پوتین د اسیا او ارام سمندر د اقتصادي همکاریو سازمان (APEC) په غونډه کې ویلي، چې بندیزونه لا هم د هېوادونو پر اقتصاد منفي اغېز لري، خو نور نه شي کولای د بندیزونو لاندې هېوادونو اقتصاد فلج کړي.
نوموړي زیاته کړې، چې پر روسیې د بندیزونو لګولو له امله خپله بندیز لګوونکو هېوادونو، په ځانګړي ډول د اروپايي ټولنې غړو ته هم اقتصادي لګښتونه او زیانونه اوښتي دي.


